- إذا كنت تعملين وتتقاضين أجرا اعلى من أجره لا مانع من مساعدته في اعباء المنزل لكن بالقليل واطلبي دائما مساندته، واشعريه بأنك بحاجة لمن يشرح لك بعض قضايا عملك، فأسأليه وأستفيدي منه.
ايااااااكي انك تساعدي جوزك في مصروف البيت ، لانه بكدة حيتعود على انك بتشاركية ، ومش بعيدة مع الوقت حيكون مرتبك كلة في البيت ، ومش حتعرفي تشتري لنفسك اي حاجة لدلعك او ترفهي عن نفسك باي حاجة زي خروجك مع صحابك .
انا حابسطلكم الفكرة عشان ما فيش حد يقوم علية ويقولي انتي ازاي بتقولي كدة ، ازاي ما نساعدش اجوازنا ، انتي دلوقتي مسئوليتك البيت والتنظيف الغسيل وتأخدي بالك من العيال ، ومسئولية جوزك هى انه يصرف عليكم ويوفرلكم كل حاجة في البيت
تقدري تقولي لجوزك تعالى اغسل معاية او اطبخ او طبق معاية الغسيل ، حيقولك دي مسيؤليتك ، انا ماليش دعوة ، اومال انتي لازمتك اية ، لكن ممكن يساعدك انه يحضر السفرة ، او يشيل طبقة ، لكن مش اكتر من كدة.
خلاص ما دام كدة يبقى جوزك مسؤليته انه يصرف على البيت ، لكن انتي ما تتحمليش المسئولية لوحدك ، لو حبيتي تساعدية ، يبقى ساعدية من تحت التحت ، ازااااااااااااااي
يعني انتي وراجعة من الشغل هاتي شوية خضار من غيرماتقوليلة فيه خضار ناقص في البيت ، عشان ما يتعودش ان لما الحاجة تخلص في البيت انتي حتجبيها ، لو محتاجة حاجة ضوروري وعارفة ان جوزك مش حيعرف يجيبها دلوقتي هاتيها انتي من غيرماتقوليلة انا اشترتيها
بصوا انا كنت عملت موضوع اسمة اية الحاجات اللي عودتي جوزك عليها وبعدين اتندمتي ، ثلاث تربع المشاركات عن الموضوع دة ، انها عودت جوزك انها تتحمل مسئولية الصرف في البيت ـ، وتتحمل مسئولية انها تشتري كل حاجة للبيت من خضار وبقالة وحاجات للوولاد .
وبعدين الراجل بيحب انه يحس ان مراته محتاجاله ، وانه سندها وراجلها ، لكن لما تكوني عاملة نفسك سبع رجالة في بعض ، حيحس انك مش محتاجة منه حاجة ، وانتي مكفية نفسك وزيادة
انا حاحطلكم شوية مشاركات من الموضوع
7- الزوجة الجميلة والذكية، لا تطالب الزوج بالتعبير عن مشاعره نحوها، ولا تلح على الأجواء العاطفية، وانما تترك الأمر للفرص الطبيعية، وتقتنص الظروف الطيبة، وتفهم من الأعمال والأفعال والسلوكيات الخاصة لزوجها مدى حبه وتقديره لها، فلا ترهقه بالمطالبة المستمرة للتفاعلات العاطفية المفتعلة.
فيه بنات كتير بتقعد بتطالب خطيبها او جزها انه يقولها كلام حلو ، او ساعات بتعاتبه وتقولة لية انت مش بتقولي كلام حلو ، لية مش بتقولي بحبك ، وحشتني ، او ساعات تقعد تبعتلة في رساايل وتهرية كلام حلو ، وتبقى منتظرة انه يرد عليها بكلام احلى واحلى
دة غلط ، انتي بكدة بتعمليلة ضغط ، وبيحس انه مهما يعمل معاكي مش عاجبك ، انا عارفة اننا احنا بطبيعتنا عاطفيين ، وبنبقى طول الوقت عاوزين كلام حلوووو ، لكن الراجل مش بيعرف ، او معظم الراجالة مش بتعرف تعبر عن مشاعرها بالكلام ، لكن بتعرف تعبر عنه بالافعااال
عشان كدة حااااولي تتعملي التقل شوية ، ومش لازم تقوليلة كلام كتير حب ، اديلة فرصة انك توحشية ، اصل انتي طول ما بتقوليلة بحبك ، وحشتني ، مش مدياه فرصة يعرف مشاعرك اية ، ما انتي كل ثانية بتقوليلة مشاعرك اية
انتي لو هديتي شوية ، هو وقتها حيفكر ، هى لية بطلت تقولي كلام حلو ، هو انا اية ما بقيتش اوحشها زي الاول ولا ايية ، ويبدأ يقرب منك ويكلمك عشان يشوف اية اللي غيرك
مش كل الازواج بيعرفوا يقولوا كلام حب ، فية واحدة صاحبتي بقالها 7 سنين متجوزة جوزها ما قالهاش بحبك غير 3 مرات في 7 سنين ، وهما الاتنين ما شاء الله عليهم ، ينخاف عليهم من الحسد ، عشان هى فاهمة جوزها ، وعارفة ومتأكدة انه بيحبها ، بس هو بيعبر عن حبه ليها بالافعال
8- تجنبي تحمل مسؤولياته، او إبداء قدرتك على تدبر كل امور حياتك وحدك، اشعريه حاجتك إليه، وأن هناك امورا لا تتم بدونه، وأنك ضعيفة او غير قادرة على القيام ببعض الأمور بمفردك.
دايماً حسسي الزوج بانك محتاجة لية على طول ، عشان دي الحاجة الوحيدة اللي بتحسسة برجولتة ، لكن لو انتي عملتي سبع رجالة في بعض ، ودبرتي امورك لوحدك من شغل بيت واولاد وطلبات بيت ، وشغلك انتي الخاص ، خلاص حيحس انه ما لوهوش لازمة بالنسبة ليكي ، وانك بتعرفي تدبري امورك لوحدك ومش محتاجاه في حاجة
عودية انه ينزل يشتري معاكي البقالة والخضار ، او هو ينزل يجيبهم ، وانتي طبعاً تستقبلية لما يجيب الحاجة وتشكرية وتحسيسية انه عمل حاجة جبارة لما اشترى البقالة ، لان الرجالة بيحبوا المدح قووووي وبيخليهم يعملوا اكتر اكتر عشان يسمعوا كلمة حلوة من زوجاتهم.
خلية هو اللي يغير الانبوبة او يجيب حد يعملها او اي اعمال للسباكة ، حتى لو ليكي مشوار خاص بيكي ، ادلعي علية عشان يوصلك او يخلصلك الموضوع لكن مش دايماً عشان ما ينخنقش منك ، بس من الوقت للتاني حاولي تطلبي مساعدتة وقوليلة انا مش عارفة اروح لوحدي المكان دة ، او قوليلة انا روحت المكان دة بس ما عرفتش اخلص حاجة الموظفين هناك غلسيين قوووي ، لما يعملك الحاجة ، طبعاً حتقوليلة ربنا يخليكي لية يا رب ولا يحرمنيش منك ابدا
9- إن كنت تساعدين اهلك من مصروفك الخاص، والذي تأخذينه من زوجك، فلا تخبريه بهذه المساعدة لكي لا يستنقصهم، او يتعالى عليهم، حتى وان كان طيبا متعاونا، يبقى الأمر قيد الظروف
اذا كنتي بتساعدي اهلك من مرتبك او من مصروفك ، ايااااااااكي تقولي لجوزك حاجة زي دي ، لان حيحس بانهم ظروف وحشة ، وانك بتساعديهم ، انتي لو عاوزة تساعديهم ، ساعديهم بس من غير ما تقوليلة
بعدين لازم كل واحدة تعمل هيبة لاهلها قدام جوزها ، وتبقى فخورة بيهم دايماً ن ومن الوقت للتاني تتكلم عن اللي كان اهلها بيعملوه ليها ، دة بابا كان متعود كل خميس يخرجنا ويغدينا برة ، دي بابا هو وراجع من الشغل كان بيجبلي شوكليت عشان عارف اني بحبة موووووت
لازم تحسيسي جوزك انك كنتي دلوعة في بيت اهلك ، وكنتي مدللة ، وكل اوامرك مطاعة ، بس طبعاً لما تقولي كدة تقوليها بدلع ، ويكون فيه مناسبة للكلام
يعني في مرة يكون جايبلك شوكليت ، تقوليلة يا بابا كان متعود على طول يجيبلي شوكلت عشان عارف اني بحبها ،لازم يعرف انك بتحبي الشوكليت عشان يجيبها ليكي من الوقت للتاني ، ولما يجبيها ليكي افرحي قوووي واشكرية واديلة بوسة خفيفة تعبر عن انك مبسوطة انه جابلك شوكليت ، الرجالة بتحب كدة
طب جربي كدة لما يجبيلك حاجة ، حتلاقي كل يوم والتاني جايبلك شوكلت
