السلام عليكم ورحمة الله وبركاته
كلنا اتجوزنا علشان الحب
والحمد لله الحب موجود
انتى شايفاه وحاساه فى كل الاوقات
بينك وبين زوجك
وزاد عليه المودة والرحمة
لكن الامر ميسلمش
لازم يحصل شوية معاكسات
وخلافات وحبة ضيق على غضب
بس برضو بترجعو زى الاول
واكتر
كمان مفيش احلى من الصلح بعد الخلاف
يا سلام
اكيد اوقات بتحسى انك مخنوقة
ومضايقة
زعلانه منه اوى
وهو مش حاسس بيكى
هو ولا يهمه
وانا وانتى عارفين
اننا نحب اوى نعد نهرى وننكت فى نفسنا
لااااااااااااااااا
ولو نسيتى ايه الى مزعلك
تفكرى نفسك
علشان تبررى انك لازم تزعلى
هبل
بصى بئه
ازعلى زى ما انتى عايزة
بس خلى فى بالك
انك زعلانه من حبيبك
زعلانه منه بس
مش بتكرهيه
دايما بينك وبين نفسك
قولى
انا بحبه بس زعلانه منه
وممكن كمان تقوليهاله بصوت عالى
انا بحبك بس زعلانه منك
علشان ميفتكرش انك بتحبيه
يبقى سامحتيه
او ميفتكرش انك زعلانه منه
يبقى بتكرهيه
ازعلى بعقل
عبرى عن غضبك
من الحاجات الصغيرة الى بتحصل
بس اوعى تهدى الحاجات الكبيره
اوعى تقولى كلمة وحشة
او اهانه
امسكى نفسك
ورددى الكلام فى بالك
قبل ما تطلعيه
كل كلمة محسوبة عليكى
وانتى بتهرى وتنكتى فى نفسك
افتكرى بردو انه حبيبك
محرجة
وانك بتاخديه فى حضنك لما يكون تعبان
علشان تريحيه
وانك اوقات بتبقى له ام
يعنى معلش ابنك وغلط
بس لو عايزة تزعلى ازعلى براحتك
والله لو انتي شايفة كده ماشي
واهم حاجة بئه
من كل الصراعات الغريبه
الى بتحصل جواكى دى
خليكى عفوية
يعنى لما تبقى عايزة حاجة اعمليها
حاجة من الحاجات اياها
الى بتحصل بين كل زوجين
لما تحسى انك محتاجة حضنه
روحى احضنيه
وانتى زعلانه برضو
ولا يهمك
ولو هو استغرب
دايخة
قوليله
انا حضنتك علشان انا عايزة احضنك
و حسيت انى محتاجة الحضن ده
وخدته
ايوه كده
خليكى قوية
لو عايزية بوسة
برضوروحى بوسى براحتك
محدش ليه عندك حاجة
والله لو انتي شايفة كده ماشي
وخليكى زعلانه زى ما انت عايزة
بعد ده كله
وانتى بتهرى وتنكتى فى نفسك
ومش عايزة تنسى الى مزعلك
علشان تفضلى زعلانه
بس اييييييييييييه
ولا همك
بوستى وحضنتى زى ما انتى عايزة
مش حاسة بئة ان دمك تقل شوية
طيب هطلب منك طلب
وانتى زعلانه برضو
انا عارفة اد ايه الزعل مهم بالنسبالنا فى الاوقات دى
اضحكى وفكى التكشيرة دى
يعنى هو هينفعك لما وشك يتملى
111وبصيله كده
ورددى الى اتفقنا عليه
انا بحبك بس زعلانه منك
ابا بحبك بس زعلانه منك
انا بحبك
انا بحبك
انا بحبك
استنى استنى
بعد الحب ده كله
وعامله نفسك زعلانة
هو ايه الى كان مزعلك اصلا
اقول عليكى ايه بس
غضبانة جدا
الخطة دى حلوة اوى علشان زعلك من زوجك ميطولش
وكمان قلبك يبقى راضى لما تتصالحو
علشان ناخد بالنا
فترة الزعل بتكون قصيرة فى الاول
لو سيبنا الزعل ياخد من حبنا
فترة الزعل هتطول
ومش هنعرف نسامح
ولا هنعرف نحب
